मुली गरोदर कधी होतात?

जेव्हा आपण तरुण असतो तेव्हा गर्भधारणा होणे 30शी आणि 40शी मध्ये आई-बाबा होण्यापेक्षा खूप सोपे असते. आजच्या लेखात आम्ही तुम्हाला सांगणार आहोत की प्रजनन प्रणाली कशी कार्य करते आणि प्रत्येक वयात गर्भधारणेची शक्यता किती असते.
आजच्या स्त्रियांचे आयुष्य हे पूर्वीच्या स्त्रियांपेक्षा फार वेगळे आहे. पूर्वी स्त्रियांची लवकर लग्न व्हायची आणि त्यामुळे त्या खूप लवकर आणि लहान वयातच आई सुद्धा होत असत. पण आता काळ बदलला आहे. आताच्या स्त्रिया आपल्या करियरला आणि अन्य गोष्टींना अधिक प्राधान्य देतात. त्यामुळे वेळेत त्यांची लग्न होऊ शकत नाही. त्यामुळे साहजिकच आई होण्यास उशीर होतो. स्त्रिया आपल्या भविष्याबद्दल अधिक जागृत झाल्या आहेत ही एक चांगली गोष्ट असली तरी आई होणे ही एक नैसर्गिक आणि शारीरिक प्रक्रिया आहे आणि ती होण्याची एक योग्य वेळ आहे. त्यामुळे स्त्रीने उशिरा आई होणे कितपत योग्य आहे असाही एक प्रश्न आता विचारला जाऊ लागला आहे. आज आपण या लेखातून याच विषयाबद्दल अधिक माहिती जाणून घेऊया.
20 व्या वर्षी

स्त्रीची प्रजननक्षमता ती जेव्हा 20 वर्षांची असते तेव्हा सर्वाधिक जास्त असते. तिच्या अंडाशयात असलेले 90% एग्ज हे सुस्थितीत असतात. यामुळे या वयात स्त्री गरोदर राहण्याचे चान्सेस अधिक असतात. एका अभ्यासात हे दिसून आले आहे की वयाच्या 24 व्या वर्षी झालेले गरोदरपण हे निरोगी आणि चांगले असते. या काळात स्त्री सहज गरोदर राहू शकते. तिला या साठी जास्त प्रयत्न करणे सुद्धा लागत नाही 4 पैकी 3 स्त्रिया आपल्या पहिल्याच प्रयत्नात या वयात गरोदर राहू शकतात.
25 व्या वर्षानंतर

25 ते 34 या काळात प्रजानन क्षमतेचा दर 10 टक्क्यांनी कमी होतो. या काळात 1 वर्षाने प्रयत्न करून सुद्धा गरोदर राहण्याचे चान्सेस हे फक्त 86% असतात. या काळात गर्भात होण्याची शक्यता सुद्धा 20 व्या वयापेक्षा जास्त असते. पण काळजी करण्याचे कारण नाही. तुम्ही जरी लगेच या वयात गरोदर राहू शकला नाही तर सतत प्रयत्न केल्यास गरोदर राहू शकता. यासाठी अनेकदा डॉक्टरांचा सल्ला घेतला जातो. अनेक उपचार पद्धती सुद्धा स्त्रीला गरोदर राहण्यात मदत करू शकतात.
30 व्या वर्षी

वयाची 30 वर्षे पूर्ण झालेल्या स्त्रीला सुद्धा गरोदर राहण्यात जास्त अडचण येणार नाही. पण या काळात एकच धोका सतावतो तो म्हणजे गर्भापाताचा! या काळात गर्भपाताची शक्यता 20 टक्क्यांनी वाढते पण वर्षभर प्रयत्न करून गरोदर राहण्याची शक्यता 80% इतकी असते. पण या काळात गरोदरपणाची प्लानिंग करताना डॉक्टरांच्या मार्गदर्शनाखाली ही प्लानिंग केलेली उत्तम, कारण ते तुम्हाला योग्य सल्ला देऊ शकतात आणि उत्तम बाळंतपणासाठी मदत करू शकतात.
35 ते 40 दरम्यानचे वय

वयाची 37 वर्षे पूर्ण होण्याआधी सुद्धा स्त्री गरोदर राहण्याचा चान्स घेऊ शकते आणि यात तिला यश येऊ शकते. पण अन्य वयोमानाच्या तुलनेमध्ये गरोदर राहण्याचे चान्सेस कमी झालेले असतात. स्त्रीच्या शारीरिक स्थितीनुसार तिला काही समस्यांना सुद्धा तोंड द्यावे लागू शकते. गर्भापाताचा धोका सुद्धा या काळात असतो. वयाच्या 40 नंतर मात्र प्रजाननक्षमता मोठ्या प्रमाणात कमी झालेली असते. जरी गरोदरपणाचा चान्स घेतला तरी गर्भपात होऊ शकतो किंवा जन्माला येणाऱ्या मुलामध्ये काही विकार असण्याची शक्यता नाकारता येत नाही. जर उशिरा आई होण्याची इच्छा असेल तर अशा स्त्रिया आईवीएफ ट्रीटमेंटचा मार्ग निवडू शकतात.